Malinawon nga na-demolished sa mga sakop sa Task Group Demolition ang 12 ka mga illegal structures lakip na ang usa ka outpost nga gitukod sa yuta sa syudad nga gitagana isip open space.
Gitin-aw ni TG Demolition chairman Atty. Jose Edgardo Uy nga walay bisan kinsa ang gitugutan nga motukod og mga istraktura sa maong lugar ug dili usab kini angay tukuran.
Matud ni Atty. Uy nga wala gi-single out sa grupo ang nasangpit nga mga istraktura tungod kay daghan pa nga mga illegal structures sa maong dapit ang pagatangtangon kay nakalapas sila sa balaod sa Building Code.
Nasayran nga misubay sa insaktong proseso ang TG Demolition diha sa pag-demolish sa mga istraktura pinaagi sa pagpahibalo sa mga occupants kalabot sa ilang kalapasan.
(News and photo courtesy of CIO CDO)