Subling gipailawom sa Modified Enhance Community Quarantine ang Cagayan de Oro basi sa gipagawas nga kamandoan sa National Inter Agency Task Force for the Emerging Infectious Disease (NIATF-EID) gikan Hulyo 1-15, 2021.
Kini basi na usab sa quarantine classification sama sa Health Care Utilization Rate (HCUR), 2 week growth rate (2WGR) ug Average Daily Attack Rate (ADAR) nga anaa pa gihapon sa 13.80% o high risk.
Gipasabot ni Mayor Oscar Moreno nga bisan pa man og anaa na sa GCQ level ang HCUR nga anaa na lamang sa 65.93% ug -16% nga 2WGR, dili pa angayan magkompyansa tungod sa taas nga ADAR.
Matud ni Dr. Bernard Julius Rocha, liaison officer sa Northern Mindanao Medical Center nga ang MECQ status sa syudad nakatabang sa pagpakunhod sa COVID 19 admissions sa maong hospital.
Dugang ni Dr. Rocha nga malaumon ang pamunoan sa NMMC nga ipaubos na sa Yellow Alert ang hospital sa Hulyo sa ingon modawat na kini og mga serbisyo sama sa elective surgeries ug uban pang serbisyo. (ACM | City Information Office)