Suportado sa Local School Board (LSB) ning syudad ubos sa pagpangulo ni Mayor Rolando “Klarex” Uy ang paghatag og pundo alang sa training sa mga principals, focal persons sa Department of Education-Division of Cagayan de Oro lakip mga ginikanan alang sa “Mental Health Awareness: Early Detection and Emergency Intervention.”
Kini agi’g tubag ug suporta sa administrasyon ni Mayor Klarex Uy nga mapakgang ang nagkataas nga ihap sa suicide cases diin mga estudyante sa sekondarya ang kasagarang biktima niini.
Tumong sa maong training nga matudloan ang mga magtutudlo ingon man mga school heads sa mga tunghaan ug mga ginikanan ang unang senyales sa posibleng mental issues sa mga kabataan.
Mokabat sa P329,000 ang pundo nga gitagana sa LSB pinaagi usab sa pagpasabot ni Dr. Alicia Anghay, focal person on education ning syudad.
Kahinumdoman nga na-alarma na gayud ang kagamhanang lokal tungod sa mga suicide issues nga mikutlo sa kinabuhi sa mga batan-ong estudyante.
(News and photo courtesy of CIO CDO)