Nanganti si Gov. Peter M. Unabia nga konsultahon ang matag city ug municipal Local Government Units (LGUs) officials dinhi sa Misamis Oriental sa mga planong pagpatuman og proyekto’g programa sa ilang tagsa-tagsa ka lugar, isip kabahin sa iyang PAGLAUM development agenda, ang Participatory Governance.
Kini, tungod kay hugot kining nagatuo ug nagasalig sa kahibalo ug kahanas sa mayores, bise mayores ug konsehales, bisan pa gani ang kapitanes sa pagpatuman og kalamboan nga prayoridad alang sa kalamboan usab sa panginabuhian sa ilang tagsa-tagsa ka ginsakpan.
Gilantaw sa amahan sa panginabuhian, Gov. Unabia, nga mas labing nakahibalo sa ilang nag-unang panginahanglan ang katawhan sa ilang tagsa-tagsa ka lokalidad nga mahimong yabe sa pagbuswak og daghang oportunidad ug kinitaan. (Jane Salimbao)
(Source: Misamis Oriental Provincial Information Office Facebook page)
