Gatusan ka mga empleyado sa City Hall sa pagpanguna ni Mayor Rolando “Klarex” Uy ang misalmot sa city-wide clean-up drive adlaw’ng Biyernes, Mayo 26 diin gipahigayon usab kini simultaneous sa tibuok syudad.
Sa mensahe ni Mayor Klarex atol sa paglusad sa city-wide clean up sa Kiosko Kagawasan, iyang gipasalamatan ang mga misalmot sa hiniusang pagpanglimpyo sa syudad ug gidasig kini sa makanunayong pagtabang ug pagpakabana sa kahinlo sa syudad.
Ang city-wide clean up drive nga gitawag og “Klarex nga Kalimpyo sa Kadalanan ug Tugkaran”, pagahimuon matag katapusang Biyernes sa bulan pinasubay sa Republic Act 9000 o Ecological Solid Waste Management Act of 200 ug City Ordinance No. 13378-2018, o “Integrated Eco-biological Solid Waste Management Ordinance.
Gihangyo usab ni Mayor Klarex ang katawhan sa ilang kooperasyon ug pagpakabana sa kahinlo aron usab maprotektahan ang kinaiyahan.
(News and photo courtesy of CDO CIO)