Santa Cruz, Davao Del Sur – Siko ang usa ka construction worker human gilusad sa mga pulis sa Santa Cruz, Davao Del Sur ang drug buy bust operation sa Sitio Malusing, Barangay Zone 1, Sta. Cruz.
Giila ang nadakpan nga si alyas “Dong” 39 anyos, construction worker ug residente sa nahisgutang lugar.
Sa report sa kapulisan, usa ka sachet nga adunay sulod sa gituohang shabu ang unang napalit gikan sa suspek apan sa pagrekisa kaniya nakuhaan pa kini og laing 2 pa ka mga sachets nga adunay sulod sa gituohang shabu nga mobalor tanan sa 4,500 pesos.
Nasignitan pa gyud si alyas “Dong” og .38 revolver, tulo ka bala,marked money, 2 disposable lighter, aluminum foil ug sling bag.
Sa karon, tingkagol ang suspek sa Santa Cruz Municipal Police Station. (Camille Santos Naraga)
(Source: Santa Cruz MPS | PIO PRO-XI)