Personal nga gitambongan ni City Mayor Klarex Uy ang groundbreaking ceremony karong adlawa alang sa usa ka water supply system project diha sa Sitio Magawa, Barangay Dansolihon ning syudad.
Miduyog sa panon sa mayor sila si Vice Mayor Jocelyn ‘Bebot’ Rodriguez, City Councilor Jay Roa-Pascual, James Judith ug Bernie Esparcia ug Dansolihon barangay chairman Franco Montano.
Ang water system project, nga proyekto sa Mindanao Cooperatives Water Service Federation uban sa Nahilaran Ancestral Domains IPs, gilaumang mo-supply sa limpyo ug mainom nga tubig alang sa mga katawhan sa Barangay Dansolihon, Mambuaya, Bayanga ug Lumbia.
(Source: Cagayan de Oro City Information Office Facebook page)