Init nga gitagad ni outgoing mayor Oscar Moreno sa syudad sa Cagayan de Oro ang pag-abot ni City Mayor Rolando “Klarex” Uy karong adlawa sa City Hall.
Si Uy usab ang malipayong gisugot sa daghang mga empleyado nga nagpaabot kaniya sa lobby sa executive building. Sa Mayor’s Office, gi welcome siya sa emosyonal nga si Moreno, ingon nga mora silag suod nga higala nga dugay na nga wa magkita diin sila naggakos ug gihugyawan sa mga tawo nga naa sa maong lawak.
Saksi sa maong higayon ang mayoriya sa mga bag-ong napili nga opisyal apil na sa mga subling napili nga sakop sa City council.
Sa iyang hamubo nga mensahe, si Moreno naghangyo sa paghatag sa suporta ngadto sa bag-ong mayor.
Sa iyang kabahin usab, si Uy mapasalamaton sa mga kagay-anons sa paghatag kaniya sa tsansa nga mahimong mayor.
Human sa ilang mga mensahe, mahulugananon gilayon nga giturn-over ang official seal sa syudad ug gihimo ang photo opportunity.
Sa pagbiya ni Moreno, gihatud pa kini ni Uy sa ground floor ug sa balcony ug naggakos sila pag-usab sa wa pa hingpit misakay sa iyang behikulo si Moreno.
(Source: CIO | Cagayan de Oro City Philippines Facebook page)