29.8 C
Manila
Tuesday, April 16, 2024

Cagayan de Oro: Kapin 3k city scholars nakadawat na sa ilang Landbank ATM cards

- Advertisement -

Kapin 3,000 ka mga freshmen ug second year city scholars ang midawat sa ilang ATM cards gikan sa Land Bank aron mas hapsay ug sayon ang pagkuha sa ilang binulan nga allowances gikan sa city hall.

Mismo si Mayor Klarex Uy, uban ni City Scholarships Office Head Richel Petalcurin-Dahay ug Assistant Vice President Ligaya P. Llantos-Padilla sa Landbank Capistrano ang mitunol sa mga cards ngadto sa mga scholars diha sa city hall quadrangle bag-ohay lamang.

“Kaninyo nga gitagaan og kahigayunan sa kagamhanan sa dakbayan, tabangi ang inyong kaugalingon nga dili mo mapakyas ug dili mausik ang panahon ug higayon kay dili tanan gitagaan sa gobyerno sa talagsaong kahigayonan. Kamo ang gipili,” saysay ni Mayor Klarex Uy.

Isulod sa mga ATMs ang itunol nga allowance sa mga city scholars aron malikayan ang pagtapok sa kadaghanan sanglit anaa pa ang pandemya.
Kahinumduman nga mipirma ang LGU-CDO sa Memorandum og Agreement tali sa Landbank of the Philippines niadtong Hunyo 30 alang sa maong katuyoan.
Alang sa dugang kasayuran sa scholarship program, mahimong mobisita ug magpadala og mensahe sa CDO City Scholarships Office Facebook page. (NLB-CIO, photo courtesy by Roel Felicitas-CIO)

(Source: Cagayan de Oro City Information Office Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -