Ubay-ubay ka mga illegal structures nga gitukod sulod sa yuta nga gipanag-iya sa syudad nga nahimutang sa Calaanan, Barangay Canitoan ang gi-demolished sa hiniusang puwersa sa Task Group Demolition, Office of the Building Official (OBO) ug barangay officials sa Canitoan bag-ohay lamang.
Nasayran nga ang maong luna usa sa mga relocation site sa syudad. Gani, gisugdan na kini og develop apan nahunong tungod sa mga illegal structures nga gitukod bisan pa man sa pagpahibalo kanila sa mga personahi sa City Housing and Urban Development Department (CHUDD) pinangulohan sa Dep’t Manager nga si Atty. Samuel Rollo.
Alayon niini, giaghat ni TG Demolition chairman Atty. Jose Edgardo Uy ang publiko nga sutaon gayud ang yuta nga ilang paliton ilabina diha sa Calaanan, Barangay Canitoan aron dili mabutang sa alanganin nga sitwasyon ug dili masayang ang ilang kuwarta.
“May this serve as a fair warning to all who have appropriated for themselves pieces of land that belong to the government,” matud ni Atty. Uy.
News courtesy of CIO CDO
Photos from TG Demolition