Gitunol ang mga hinabang gikan sa probinsya sa Misamis Oriental pinanguluhan ni Governor Peter “Sr. Pedro” Unabia susama sa mga bugas og mga delata pinaagi sa Provincial Social Welfare and Development Office kon PSWDO og sa Provincial Disaster Risk Reduction and Management OfficNewe kon PDRRMO nga maoy mihatod sa Tagoloan Dome adlawng Dominggo, Oktubre 16, 2022.
Mukabat 300 ka food packs ang na repack og gikatakdang ihatag ngadto sa mga naapektuhan sa baha nga dala sa bagyong neneng hilabina sa mga evacuees nga anaa karong panahona sa Tagoloan Dome og Barangay Casinglot Covered Court.
Anaa karon ang mga konseho gikan sa Sangguniang Bayan kagawad Mikka Nabong Sultan og Kagawad Kim Agustero. Aduna usab mga Barangay Kapitan sa maong lungsod. Ato sab makita nga mitabang si Ms. Merlie Emano-MESO Head sa pag repack sa bugas og delata. Og anaa pa gihapon ang pinalanggang Mayor sa Tagoloan Atty. Nadya B. Emano-Elipe sa Tagoloan Dome.
Hisayran nga mukabat 68 ka mga pamilya nga mga evacuees ang anaa sa Tagoloan Dome gikan sa Barangay Casinglot. Anaay giandam kanila nga mga tents sa MDRRMO-TAGOLOAN nga ilang matulgan. Aduna sab mga personahe nga gikan sa RHU aron paghatag sa Medical Assistance.
(Photo courtesy of MIO-Tagoloan)