DAKONG garbo nga nakuha sa dakbayan sa Cagayan de Oro isip qualifier sa bag-ohay lamang nga Pilipinas Super League – Misamis Oriental 2023 Qualifiers sa Barangay Gusa Gymnasium, Abril 2, 2023.
Duha ka team niini ni-qualify sa regional tournament karong umaabot Hunyo ning tuig.
Ang maong torneyo usa ka pamaagi nga madiskobre ang mga bata ug makakuha og basketball scholarship sa mga dagkong tunghaan sa dakbayan, Visayas ug Luzon tungod sa exposure niini sa mga dula nga gisaksihan sa mga coaches ug scouts.
Ang Cagayan de Oro Higalas team A & B ubos sa giya sa City Sports Office kung diin ‘all out’ ang supporta ni Mayor Rolando “Klarex” Uy, City Sports Consultant Coach Ruel Daba, ug sa beteranong magdudula ug coach nga si Boning Bioncog.
News and photo courtesy of CDO CIO