- Advertisement -
Gikalipay ni Gov. Peter M. Unabia nga walay kaso sa covid-19 ang natala sa probinsya sa Misamis Oriental sulod sa milabayng semana.
Sulti sa Gobernador, ang positibong taho maghatag dugang kadasig sa tanan, hilabina negosyante ug trabahante tungod sa luwas nga panikaysikay ug paningkamot nga mabuhi ug molig-on pagbalik ang ekonomiya sa Lalawigan sa Misamis Oriental.
Kahinumduman nga lakip sa PAGLAUM development agenda sa administrasyong Unabia, mao ang letrang “U” diin nagpasabot ug Unified Effort for Health and Social Services Delivery ngadto sa kabaranggayan. (Jessie A. Andallas)
(Source: Misamis Oriental Provincial Information Office Facebook page)
- Advertisement -