Cagayan de Oro – Giila karon sa United Kingdom-based think tank, Oxford Economics, ang siyam ka mga siyudad sa nasud Pilipinas, lakip ang dakbayan sa Cagayan de Oro, nga adunay pinakadakong ekonomiya sa tibook kalibotan.
Kini basi sa Global Cities Index nga gipagula sa Oxford Economics, diin 1,000 ka mga syudad sa tibook kalibotan ang nalista nga adunay ‘largest urban economies in the world’.
Sa siyam ka mga syudad sa Pilipinas, mitungtong sa ikatulong dapit ang dakbayan sa Cagayan de Oro sa maong ranking.
Nag-una sa ranking ang syudad sa Manila (Rank No. 1), ug kini gisundan sa Cebu City (Rank No. 2), Cagayan de Oro City (Rank No. 3), Davao City (Rank No. 4), Angeles City (Rank No. 5), Bacolod City (Rank No. 6), Dagupan City (Rank No. 7), Zamboanga City (Rank No. 😎, ug General Santos City (Rank No. 9).
Lima ka kategoriya ang nahimong sumbanan sa Global Cities Index sa Oxford Economics. Kini mao ang: economics, human capital, quality of life, environment, ug governance.
Partikular nga gidayeg sa Oxford Economics ang Cagayan de Oro, ang ika-487 sa global ranking, sa natad sa ‘environment’ kon kinaiyahan nga kategoriya.
News and photo courtesy of CIO CDO