Patay ang usa ka amahan nga mamaligyaay ug isda human mibangga sa ten wheeler truck diha sa Purok 7, Upper Puerto ning syudad kagabii.
Naila ang biktima nga si Niño Careon, 37 nayos, dunay kapuyo ug taga Purok 7, Upper Puerto ning dakbayan. Samtang maoy driver sa ten wheeler truck si Richie Lagno, 29 anyos, minyo nga taga Quezon, Bukidnon.
Matud ni Police Senior Master Sargeant Jose Ryan Sevilleno sa Traffic Unit sa COCPO nga sa ilang initial nga imbistigasyon, gikan pa namaligya ug isda ang biktima ug pagabot niini sa nahisgutang lugar, kalit kining mibanggasa ten wheeler truck nga anaa sa daplin sa dalan.
Dugang pa sa opisyal nga nakaangkon ug nagkadaiyang samad sa kalawasan ang biktima ug naukab pa ang panit sa ulo. Gidala kini sa balay tambalanan sa Puerto apan gidiklarang dead on arrival.
(News & photo courtesy by Cheleste Simene)