Kanunay nga aktibo ang buhatan sa Provincial Population Office ubos sa pagpamuno ni Mr. Andrew Gapuz aron sa paghatag ug pagpatuman sa mga batakang serbisyo nga gikinahanglan sa matag Misamisnon sa Probinsya.
Subay niini, mipahigayon og Training/Workshop ang buhatan sa PPO alang sa pagtukod sa Information and Service Delivery Network kon ISDN ngadto alang sa epektibo nga pagpatuman sa Executive Order 141 sa Boardwalk Baybay, lungsod sa Alubijid, Misamis Oriental karong bag-o.
Mismong si Provincial Population Officer Mr. Andrew L. Gapuz ang nanguna sa kalihokan samtang nitambong isip mga resource speaker sila Dir. Neil Aldrin G. Omega sa POPCOM-10 og si Mr. Jeremias L. Cabasan, Information Officer III sa POPCOM-10.
Anaa usab aron mupaliawon sa training ug workshop ang 22 ka partisipante gikan sa LGU – Alubijid og DepEd pinangunahan nila Alubijid MPO Designate Ms. Ellen Sabellita Ug Dr. Lolita Roxas gikan sa MHO Alubijid.
Ang Executive Order 141, usa ka mando sa ehekutibo kon diin gihatagan og prayoridad ug bili ang implementasyon sa mga lakang aron sa pagtubag sa hinungdan sa ugat sa pagsaka sa mga pagmabdos sa tin-edyer o kabatan-onan, rason aron maglihok ang mga ahensya sa gobyerno alang sa maong katuyoan.
Tumong ug katuyoan sa kalihokan aron mahimong aktibo ang mga miyembrong ISDN sa Alubijid alang sa pagpalambo sa mga malungtaron nga mga plano sa ISDN.
Sa pagtinabangay sa mga ahensya sa gobyerno, mapa lokal man o nasyonal, mamahimong dakong tabang ang pagpatuman sa ISDN kay mahatagan og prayoridad ang mga kabatan-onan sa lalawigan hilabina kon hingpit nga mahingusgan ang Executive Order 141.
(Danny Virtudazo Obsioma Jr. | Jebsen Patlunag)
(Source: Provincial Population Office | Rated E-CDO Facebook page)