Villanueva, Misamis Oriental – Gipahiluna na karon ang lawas sa duha ka lalaki human maligsan patay samtang nagmaneho sa ilang motorsiklo human madisgrasya sa managlahing oras apqn susamang adlaw niadtong nakalabayng sabado diha sa lungsod sa Villanueva, Misamis Oriental.
Sa unang insedente, ang namatay mao ang biktima nga nailang si Ronald Lanta nga taga Lanise, Claveria diin kauban niini sa motorsiklong gimaneho ang iyang anak ug pag-umangkon.
Gibutyag nga unang nasabod ang motorsiklo sa Fuso Truck nga dunay kargang botelya sa softdrinks samtang anaa sa highway tungod sa may STEAG area sa maong lungsod. Ang maong insidente, miresulta sa pagkalagpot sa biktima sa abanteng ligid kung diin nalatayan ang ulo niini.
Samtang, ang kamot sa iyang menor de edad nga anak nga babaye nalatayan usab ug anaa sa kritikal nga kahimtang kauban ang iyanv ig-agaw.
Sa susamang insedente sa nasampit nga aaw patay usab ang usa ka lalaki nga giilang si Rustom Fuentes human madisgrasya diha sa may Philippine Sinter sa Villanueva, Misamis Oriental.
Giingong pasarasay na ang dagan sa biktima dihang nakita kini sa driver sa usa ka truck nga nagdagan paingon sa Jasaan. Gibutyag nga nagminor pa og pagpadagan ang driver apan wala na niini napugngan ang kalit nga pagpaingon sa motorsiklo sa iyang direksyon rason nga kini naligsan sa atras nga ligid ug namatay diin maoy nagrabehan ang iyang ulo. Migawas usab sa imbestigasyon sa kapulisan nga lango sa ilimnong makahubog ang biktima.
Hisayran nga parehong walay helmet ang mga biktima sa maong mga disgrasya.
Sa pagkakaron, ang mga driver nga involved sa mga sakyanan nga involved gikostudiya na sa kapulisan.
Subay niini, giaghat ang katawhan sa pagsaksi sa pinakabongga nga Higalaay Festival launching karong tuiga. (Cheleste Simene, photo courtesy of Villanueva MPS)