Gipahigayon sa Civil Service Commission Region 10, ang webinar pinaagi ni Atty. Rosalina Mangahas, sa Legal Services Division ang pag-orient sa mga miyembro sa Cagayan de Oro Press Club mahitungod sa RA 6713 ug RA 11032, sa adlaw’ng Huwebes, sa COPC Boardroom.
Ang orientation usa sa nakahan-ay nga mga kalihukan sa 40th Press Freedom Week sa Cagayan de Oro Press Club, Inc. subay sa tema: “Ang Prensa sa Bag-ong Kagamhanan”.
Ang RA 6713 mao ang balaod kalabot sa Code of Conduct and Ethical Standards nga gisunod sa mga official ug mga empleyado sa buhatan sa kagamhanan, elective man o appointive, ilabi na sa pagka-matinud-anon ug pagka-maki-angayon sa pag-serbisyo, nga walay paglangan sa pagtubag sa unsa man nga reklamo nga madawat gikan sa publiko.
Samtang ang RA11032 mao ang pag-establish sa maayong serbisyo sa buhatan sa kagamhanan, ug ingon man sa mga kawani ug opisyal niini, nga walay graft and corruption aron masiguro ang customer satisfaction.
Sumala pa ni Atty. Mangahas, ang usa ka public servant magsilbing modelo sa pag-promote sa taas nga standard sa pag-alagad sa publiko ingon man sa personal nga kahimtang sa pamuyo niini. (COPC)