Gidayeg ug gipasalamatan ni Mayor Rolando `Klarex’ Uy ang mga personahi sa City Veterinary Office pinangulohan ni Dep’t Manager Dr. Perla Asis human sila nakasapon og 22 ka baboy nga walay dokumento nga gikarga sa usa ka bongo nga trak bag-ohay lamang.
“Mapasalamaton ako sa atong City Veterinary Office sa pagpangulo ni Dr. Asis sa ilang pagkamabinantayon, salamat kaayo,” pamahayag ni Mayor Klarex atol sa iyang programa sa Magnum Radio, “Inyong Alagad, Mayor Klarex Uy’.
Si Mayor Klarex naglaum nga dili na subling maigo sa African Swine Fever (ASF) ang Cagayan de Oro ilabina nga anaa na kini sa recovery stage ug hinay-hinay na nga nakabangon ang mga backyard hog raisers.
(Source: Cagayan de Oro City Information Office Facebook page, photo courtesy by Jomar Figuracion)