Gipresentar ni Konsehal Edgar Cabanlas, chairman sa komite sa urban poor ug chairman sa City Cemetery Redevelopment Board, ug Board Secretariat Engr. Armen Cuenca ngadto ni Mayor Rolando “Klarex” Uy ang balayronon alang sa burial ug funeral services diha sa Bolonsori Cemetery.
Sumala ni Cabanlas nga haum ug magahom sa mga kabus nga sektor sa katilingban ang girekomendar nilang bayronon sa mga kabanay nga mopahilona sa ilang mga minahal sa kinabuhi nga mipanaw sa laing kalibutan.
Niini, gibutyag sa konsehal nga hiniusang gisagop sa hunta uban sa panugot sa mayor nga adunay socialized matrix sa galastuhon aron maserbisyohan ang tanang mga kabus sa dakbayan nga dili makagahom sa pagpalubong sa ilang mga kabanay dinha sa mga pribadong sam-ang.
Balita nga nahipos gikan sa City Council ning syudad, kini si Shela Mae Daigon para sa Radyo Ronda Balita Morning Edition.
(News & photo courtesy of CDEO City Council)