Cagayan de Oro City – Pinaagi sa entrapment operation sa National Bureau of Investigation dinhi sa rehiyon 10, nasakmit ang balor 10 milyones ka pesos nga mga sigarilyo nga gipayuhot sa backdoor sa Zamboanga gikan sa Malaysia ug Indonesia nga gidala dinhi sa Cagayan de Oro. Nasikop pa ang driver sa van nga gisakyan sa maong produkto apil ang duha ka helper niini.
Sa pamahayag ni NBI-10 Operations Executive Officer IV, Atty Nolan Gadia nga ang nahisgutang mga sigarilyo walay BIR stamps ug wala magbayad sa excise tax sa gobierno. Sa pagkutlo ning maong report, nagdumili si Atty. Gadia pagbutyag sa ngalan sa mga dinakpan sanglit nakasibat ang mismong target sa maong operasyon.
Sa nasayran, gikasuhan na sa NBI-10 ang pagsupak sa National Revenue code batok sa tulo sa upat ka suspect nga utok sa pagpalusot sa minilyong kontrabando nga mga sigarilyo dinhi sa syudad sa Cagayan de Oro.
(Source: NBI-10)