General Santos City – Gilauman sa mga motorista ang laing pag-ubos sa presyo sa petrolyo lakip sa liquefied petroleum gas.
Kini human gibutyag ni DOE-Oil Industry Management Bureau Director Rino Abad nga may ipahigayon nga rollback sunod semana alang sa gasolina, diesel ug kerosene.
Matud sa oil industry may pag-ubos ug ₱ 1.80 hangtud ₱ 2.10 sa presyo sa matag litro sa diesel samtang sa gasolina anaa sa ₱ 1.10 ngadto sa ₱ 1.30 matag litro.
Matud ni Abad nga mukapin peso ang projected pump price rollback sa LPG nga may rollback ug ₱ 5 matag kilogram.
Gikadugang niini nga nawad-an ug global impact ang gyera sa Russia ug Ukraine tungod nakahimo na ug adjustment.
Ang ginaatangan na lamang ang epekto sa ban sa European Union batuk sa Russian oil lakip na ang epektyo sa gipatuman nga lockdowns sa China, nga posebling magpataas sa demand sa petrolyo.
Kahinumduman Abril may pagsaka ug ₱ 3.00 matag litro ang gasolina samtang sa diesel ₱ 4.10 matag litro ug ₱ 3.50 ang dugang presyo sa kerosina. Kinatibuk-an may pagsaka ug ₱ 18.45 matag litro sa gasoline, ₱ 31.45 matag litro sa diesel ug ₱ 25.05 matag litro sa kerosene. (John Rey Somido)
