Armas nga gisaya-saya ug butang sa usa ka pulis nga na assigned sa First Provincial Mobile Force Company sa Misamis Oriental, nakuha sa usa ka sibilyan ug nakapusil patay sa ulo sa iyang kaatbang ug tagay sa ilimnong makahubog sa may Abao Beach, Seaside Poblacion Uno Villanueva Misamis Oriental, Marso 2, 2023, adlawng Huwebes.
Dead on the spot ang biktima nga si Rogelio Nagangga, 57 years old, single, residente sa Barangay Dayawan Villanueva ug nagtrabaho isip usa ka bantay dagat sa nasangpit nga lungsod, human napusilan sentro sa iyang kilay ug ang bala milapos sa likod nga bahin sa ulo sa biktima.
Ang suspek usa ka Michael Saco, 42 years old, single, mangingisda, ug residente sa seaside Poblacion Uno Villanueva ug usa ka hubog kay gikan pa alas onse sa buntag nagsugod ug inom hantod naabtan ug gabii. Version sa suspek, nakita niya ang armas sa pulis nga gibutang sa lamesa ug iya kining gikuha ug dayon kablit sa pusil sentro sa ulo sa biktima kay nagdahom siya nga wala kini bala. Apil makasuhan ang pulis nga tag iya sa armas nga gigamit sa pagpatay nga mao si Patrolman William Betos, 34 years old, 3 ang anak ug adunay ka live-in ug aktibo nga myembro sa PMFC.
Narekober sa crime scene and usa ka basyo sa bala sa 9mm ug deretso daun gidala ang mga suspect sa police Station sa Villanueva ug gi undergo sa paraffin test sa mga taga SOCO.
(News & photo courtesy by Ronda Cyril Cambalon Jr.)