Dugang 5,070 vials Pfizer o mokabat sa 30,420 doses sa COVID-19 vaccines nga allocation ang miabot sa miaging adlaw October 19, alang sa Cagayan de Oro gikan sa nasudnong kagamhanan alang sa mas gipalapad nga vaccine rollout sa syudad.
Giawhag sa CDO COVID-19 vaccination team ang tana’ng molupyo sa dakbayan nga 18 anyos pataas nga magpabakuna na alang sa dugang proteksyon batok sa severe infection dala sa sakit nga COVID-19.
Nasayran nga tanan’ng vaccine brands nga gigamit sa syudad adunay ‘emergency use authorization’ gikan sa Philippine Food and Drug Administration, luwas ug epektibo.
Karon nga semana sugod Oktubre 19-22, abli ang mga Barangay-based vaccination sites diha sa Macabalan National High School, Cogon Public Market, Tablon Elementary School ug West City Central School.
Samtang sa mega sites abli usab ang SM Downtown, SM Uptown, Limketkai ug City Mall-Iponan.
(Source: City Information Office | Cagayan de Oro City Philippines Facebook page)
