Mukabat sa 4,804 ka mga trabaho ang abli sa job fair nga ipahigayon sa Department of Labor and Employment sa Rehiyon 10 atol sa pagsaulog Independence Day karong Hunyo 12.
Kadaghanan sa mga magamit nga trabaho anaa sa mga administrative and support services, manufacturing , wholesale ug retail trade, ug pag-ayo sa mga sakyanan ug motor.
Sa rehiyon 10, adunay 3,222 ka mga lokal nga bakante gikan sa 62 ka kompanya nga kasagaran mga production workers, service crew, drivers, customer service representatives ug utilities/maintenance.
Samtang, adunay 1,582 ka mga bakante alang sa ubang mga nasud gikan sa lima ka mga lisensyado nga overseas manpower agencies, kasagaran mga general laborers, welders, construction worker, caregiver ug cleaners ngadto sa London, United Arab Emirates ug Kingdom of Saudi Arabia.
Matag listahan sa maong mga bakante makita dinhi sa DOLE NorthMin Facebook Page.
Ang mga interesadong aplikante mahimong magparehistro sa Bit.ly/Jobseekers_0612 para sa mas sayon nga proseso.
Ipahigayon ang Job Fair sa 4th floor sa cinema area sa SM Downtown Premier ning siyudad sa Cagayan de Oro sugod sa alas otso sa buntag hangtod sa alas singko sa hapon. (Cheleste Simene, photo courtesy of DOLE)