31.8 C
Manila
Sunday, April 14, 2024

Cagayan de Oro: 18-day campaign batok VAW gisuportahan sa kapitolyo probinsyal

- Advertisement -

Subay sa nasudnon nga pagpahigayon sa 18-day campaign aron mahunong ang isyu kalabot sa Violence Against Women (VAW) nga gisugdan sa Nobiyembre 25 hangtud Disyembre 12, ning tuig, hugot kining gisuportahan sa panggamhanang probinsya sa Misamis Oriental.

Visit RPN DXKO Cagayan de Oro

Pinangunahan sa Provincial Social Welfare and Development (PSWD) miduyog ang tibuok probinsya sa Misamis Oriental sa hiusang pagbatok sa VAW nga gikonsiderang problema nga anaa na sa katilingban kaniadto pa.

Ning tuig 2021 duna kini temang: “A VAW FREE COMMUNITY STARTS WITH ME, FILIPINO MARESPETO: SAFE SPACES KASALI TAYO”.

Si Gobernador Bambi Emano padayong naninguha sa pagrespeto, pagpanalipod, ug pagtuman sa mga batakang katungod sa kababayen-an nga nakalatid sa konstitusyon agi’g pagtapos sa bisan unsang matang sa gender-based violence ug exploitation.

Sa iyang bahin, si PSWDO Head Mr. Jhunleymar Abella mipaabot sa kinabag-an nga suportahan ang kampanya ug hatagan sa tukmang pagtagad ang pagpanalipod sa isig katawo, hilabina ang kababayen-an.

“The Provincial Government of Misamis Oriental through the Provincial Social Welfare and Development Office continually endeavors to respect, protect and fulfill the fundamental rights of women as enshrined in the constitution as a means to put an end to any forms of Gender-based violence and exploitation. We signify our full commitment and support,” mensahe ni Provincial Social Welfare and Development Officer Mr. Abella.

Layon niini nga kampanya mao ang kanunay nga paglantaw sa kaayohan sa tanang kababayen-an, kung asa kinahanglang mahunong na ang mga salaud nga kalabotan sa pangpangabuso, paghimaraot ug pagyatak sa matag dignidad.

Dako ang nakitang potensyal ni Gobernador Bambi sa tanang katawhan sa Misamis Oriental hilabina ngadto sa kababayen-an nga giisip niya nga usa sa lig-ong pundasyon aron nga matukod ug mabantog ang kalamboan sa lalawigan.

(Source: PSWD | Misamis Oriental Provincial Information Office Facebook page) 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -