Samdan sa wala nga bahin sa iyang bitiis ang CAFGU nga si Angelito Amigo Salvador, 35 anyos minyo ug nadestino sa Mayag AFP Patrol base sa Brgy. Mayag, Sison, Surigao del Norte.
Kini sa dihang siya daling nakasibat sa nahitabong pag-atang sa lima ka armadong lalaki karong hapon alas 3:20 sa Disyembre 3, 2020 didto sa Brgy. San Isidro, Sison, Surigao del Norte.
Ang biktima nagdrive sa iyang multicab gikan sa Sison proper dihang midangat na siya sa San Isidro para mopadulong sa Brgy. Mayag, gipara siya sa lima ka armadong mga lalaki nga gituohang mga sakop sa NPA Communist Terrorist Group, Guerilla Front 16B.
Dihang nakabantay siya nga mga kaaway ang nag-atang, miambak kini sa multicab dayong dagan palayo balik sa Sison proper. Apan gigukod siya ug gipusil makadaghan. Mibawos ang CAFGU sa pagpusil gamit ang iyang short firearm. Naigo siya sa wala nga bahin sa iyang bitiis dayon kining nagpatambal sa Sison Rural Health Unit. Nangayo’g tabang ang kapulisan sa Sison sa Army’s 29th Infantry Battalion sa Sta. Cruz, Placer ug gilusad dayon ang manhunt nga operasyon. (Sison PNP | PEMS GCR | RPN DXKS Surigao)