Davao City – Arestado ang 3 ka mga indibidwal human nasikop sa mga sakop Eden Police Station sa gikasang drug buy bust operation sa Purok 1-B Luak, Barangay Bayabas, Toril District, Davao City.
Giila sa kapulisan ang mga dinakpan nga silas Lowegy Rocacorba Combras alyas “Louie”, 35-anyos, pintor, Keith Nicole Carmina Egdamin alyas “Dong”, 25-anyos, ug si Renante Coña Sabuya alyas “Nante”, 37-anyos, financier sa usa ka kompanya ug residente sa General Santos City.
Nakuha sa mga dinakpan ang iligan nga druga nga mutimbang ug 48.5 grams ug usa ka puti nga Ford Ecosport nga maoy gigamit sa mga suspek ilang illegal nga transaksyon.
Sumatotal muabot sa kapin P872,962.20 pesos ang kantidad sa giingong iligal nga druga.
Sa karon, Mag-atubang og kasong RA 9165 kon Comprehensive Dangerous Drugs Act of 2002 ang mga suspek. (Camille Santos Naraga)
(Source: DCPO)