Davao City – Arestado ang 2 ka indibidwal human ang gikasang drug buybust operation sa
Santa Ana Police Station 1 sa Block 9, Lot 22, Phase 3, Skyline Village, Catalunan Grande, Davao City.
Giila ang mga dinakpan nga sila Mark Joseph Barcenilla Lucena, 31 anyos ug Ariel Cabeza Virtudazo, 30 anyos, usa ka merchandiser ug residente sa nahisgutang lugar.
Napalitan si Lucena sa gituohang shabu nga nagkantidad sa kapin P100,000 pesos apan dihang namatikdan niini nga usa ka pulis iyahang ka transaction miiktad ang suspek ug nabilin niini ang itom nga sling bag nga adunay sulod nga 3 ka mag sachet sa gituohang shabu, pitaka, ID, ug notebook.
Sabay sa pagsiko kang Lucena arestado usab si Virtudazo diin nakuaan usab kini ug pink bag pack nga adunay sulod nga 9 ka mga sachet sa gituohang shabu, cellphane, ID, ug cash nga P1,500 pesos.
Moabot sa kapin P1,739,916 ang nakuha nga kantidad sa mga iligal nga droga nga bitbit sa mga biktima.
Sa karon, Himas rehas ug magatubang ang mag suspek sa kasong paglapas sa sa RA 9165 kun Comprehensive Dangerous Drug Act of 2002. (Camille Santos Naraga)
(Source: CIO DCPO)