Kuman buntag exclusive sa Radyo Ronda Balita tagpahibayo ni Judge Leonila P. Gorgolon, Executive Judge sa Regional Trial Court na naka work from home sila mga nag-opisina sa Bulwagan ng Katarungan sugod kahapon hangtud kuman adlawa alang sa disinfection.
Tagtugotan ni Deputy Court Administrator Leo Tolentino Madrazo sa Korte Suprema an hangyo ni Judge Gorgolon nga ipatuman nila an disinfection kuman hapon Marso 31, 2021 tapos nasayran na may isa ka empleyado sa usa sa mga ahensiya na jaon mag opisina sa Bulwagan nagpositive sa CoViD-19.
Sa contact tracing result, negatibo sa RT PCR Test an mga kaibanan sa empleyadong nag positive. An resulta nadawat ni Judge Gorgolon niadtong Lunes Marso 29.
Kini na an ikaupat na trabahante sa Bulwagan ang nagpositive sa CoViD-19. Kahinumduman niadtong Setyembre 2020 may tuyo ka court employee an nagpositive kung diin an isa kanila nakabsan sa kinabuhi.
Nagpadajon pa gihapon an contact tracing ug kadtong nakaduol sa empleyadong nagpositive giabisohan na sa home quarantine sanan work from home.
Sa Lunes posibleng balik na ang operasyon sa mga opisina. Apan bisan sirado an bulwagan kuman pwede gihapon an transaction ilabina sa mga magpiyansa sa mga may kaso ilabina sa mga nadakpan tungod sa warrant of arrest. (RPN DXKS Surigao, photo courtesy of City PNP)