Ang buhatan sa Bureau of Jail Management Penology (BJMP) Dipolog Male Dormitory, mipahigayon ug usa ka Mangrove Planting Activity, mga alas 10:30 ang takna sa buntag Enero 24, 2025 didto sa Brgy. Napo, dakbayan sa Dapitan.
Ang maong aktibidad pinangulohan ni JCINSP MANUEL U CALIBO,City Jail Warden, pinangulohan ni SJO4 Nilo L Cuaresma, Chief Admin, diin 16 ka mga personahe Bjmp Dipolog CityJail MaleDormitory, ang misalmot sa paghimo sa maong aktibidad inaban sa Barangay Konsehal sa nasangpit nga Barangay nga si Laurino P. Pallino, kinsa bug-os nga nagsusi sa pagtumong sa paggarantiya sa malampuson nga pagtubo ug pagpadayon sa mga bakhaw pinaagi sa mga paningkamot aron masiguro nga haom alang sa italanom nga bakhaw ang maong lugar.
Miabot sa 200 ka mga mangrove propagul ang na donar gikan ni SJO2 Donald E Jamarolin, kinsa hugot nga misuporta sa mahinungdanong kalihokan sa kalampusan.
Alayon niini nga ang maong kolaborasyon ug hiniusang paningkamot,makapasalig sa kinaiyahan nga mag siugda sa pagkonserba ngadto sa Barangay Napo, nga maoy makahatag ug progresibong tinubdan sa natural nga ekosistema. (Medalyn U. Borja)
(Source: BJMP Dipolog City Jail Male Dormitory)