Radio Philippines Network
DXDX GenSan News Provincial News

Buayan-Malungon River, nagpabilin sa ‘below alert level’

Nagpabilin matod pa sa “below alert level” ang tubig sa Buayan-Malungon River, human sa halos tibuok adlaw nga pagbundak sa ulan tungod sa Low Pressure Area.

Sa gipagawas nga Flood Advisory No. 1 (6:00PM; January 12) sa Pagasa-DOST, gikataho nga  adunay natala nga pagsaka sa lebel sa tubig sa maong suba, gani, kinahanglan nga magpabiling alerto ang mga concerned local government units ug ang mga residente.

Alayon niini, nagpangandam karon ang state weather bureau, Pagasa, sa posibleng mga pagbaha ug pagdahiling sa yuta gumikan sa padayong masinatiang mga pag-ulan dala sa ginabantayang Low Pressure Area nga anaa sa bahin sa General Santos City.

Sa pakighinabi sa RADYO RONDA GENSAN kang local weather forecaster Jaymar Artigas, gikataho sa opisyal nga lauman pa ang mga pag-ulan sa dakong bahin sa Mindanao, gumikan sa epekto sa maong weather system ug sa tail-end of frontal system.

Sa latest weather bulletin, ulahing nabantayan ang sentro sa LPA ], may 160 kilometros sa habagatan-sidlakang bahin sa GenSan.

Alayon niini, ang tibuok dapit sa Mindanao makasinati sa mapanganuron nga kalangitan inubanan sa katag katag nga pag ulan, kilat ug pagpanalugdog.

Hinay ngadto na sa kasarangan nga hangin ang maga gikan sa habagatang silangan ngadto sa amihanang silangan direksyon ug ang kadagatan hapsay ngadto sa kasarangan ang pagbalud. (JOHN REY SOMIDO)

Related posts

Kapitolyo Planong Mo-Umol Ug Special Body Nga Magtotok Sa Pagmina Sa Lalawiga

RPN

Resolution No. 99 S. 2020 of the Sangguniang Panlungsod, City Of Surigao

RPN

Father And Son Arrested For The Crime Of Attempted Murder At Brgy. Labangon, Mahayag, Zamboanga Del Sur

RPN