Davao City – Malampuson nga gipahigayon ang usa ka briefing nga may kalabutan sa Davao Public Transport Modernization Project karung adlawa, Hunyo 16.
Gitambungan kini sa mga opisyales nga gipangunahan nila ni OPAMINE Sec. Leo Tereso Magno, Mayor Sebastian Duterte, NEDA XI RD Maria Loudes Lim, mga opisyales sa Department of Transport ug sa mga taga Asian Development Bank.
Gihimo ang briefing arun nga mahatagan og update ang mga opisyales sa ginahimong Davao Public Transport Modernization Project (DPTMP) o ang gitawag nga High Priority Bus System.
Lakip sa mga gihisgutan ang dagan sa processo ug ang loans alang sa implementasyon sa bus system.
Tumong sa maong proyekto nga mahatagan og maayong transportasyon ang mga Dabawenyo nga plastar, relax ug barato. (Camille Santos Naraga)
(Source: Davao CIO)