Davao del Norte – Personal nga gbisita ni Kuya Gob Edwin I. Jubahib ang “Linow to Gabon” nga anaa mahimutang sa Sitio Kawayan sa Barangay Gupitan, Lungsod sa Kapalong ug Danao’s Peak nga sakop sa Barangay Monte Dujali, Lungsod sa San Isidro.
Tumong ug Tuyo ni Kuya Gob nga maresolba ug maklaro ang boundaries sa duha ka mga lungsod aron malikayan ang panagbangi.
Matud pa ni Kuya Gob, ang hinatag sa kinaiyahan angay ampingan. Kauban sa pagbisita ang grupo nila Provincial Environment and Natural Resources Officer para sa Davao del Norte Victor T. Billones aron sa pagkuha ug GPS sa lugar aron maklaro ang boundaries tali sa Kapalong ug San Isidro.
Anaa sa maong tigom sila Mayor Ma. Theresa Timbol ug Bise Mayor Edgardo Timbol sa Kapalong ug sila Mayor Arnel Sitoy ug Bise Mayor Baltazar Cuyos sa San Isidro inubanan sa pipila ka mga Sangguniang Bayan Members sa duha ka lungsod.
Kauban usab nila ang kusog sa kapulisan sa probinsya sa panguna ni PCOL. Rannie Hachuela. Tungod niini, dakong kalipay sa mga residente nga anaa sa palibot sa duha ka mga lugar aron sila usab dili maglisod sa pagduol sa lokal nga kagamhanan aron makapangayo ug hinabang. Bisan ang matag lokal nga kagamhanan,dili na usab magduha duha sa paghatod sa ilang tagsa tagsa ka mga dapit. (PICKMO/ OIC Michael Manguhig, RPN DXKT Davao)