Gihingusgan ni Dra. Jet Oco City Health Officer sa Gensan nga padayong gipahugtan karon ang border lockdown dinhi sa syudad sa Gensan subay sa Executive Order 42 series of 2020 ni Mayor Ronnel Rivera aron pugngan ang movement sa mga tawo sa nagpadayong contact tracing human nakumpirma ang local transmission sa covid 19 .
Matud pa ni Dra. Oco atoll sa gipahigayong zoom press conference kaganinang buntag nga nagpadayon ang contact tracing pinaagi sa mga health frontliners sa nagkadaiyang mga barangay sa syudad ilabina nga dunay gikataho nga namatay nga covid 19 positive sa Barangay Bula ning dakbayan .
Samtang gi-lockdown sugod karong adlawa September 2,2020 ang Gensan fishport market 1,2 3 kon temporaryong gipaundang ang operasyon human nga gikataho nga daghan ang nag positibo sa covid 19 sa maong vital facility sa Gensan. Gisirado kini pinasubay sa kamanduan sa Inter-Agency Taskforce vs. covid 19 gipangunahan ni Mayor Ronnel Rivera aron paspas ang contact tracing activity .
Matud pa sa Mayor pagamugnaon usab ang Fishport Covid 19 control force FCCF) gi-pattern ang BCCF aron makatabang sa pagmonitor ug contact tracing sa tanang mosulod ug mogawas sa maong pasilidad sa dihang mag resume operation kini human sa upat ka adlaw nga lockdown .
Gihangyo ni Mayor Ronnel Rivera ang katawhan nga mo –kooperar sa iyang kamanduan ug motuman sa gipatumang patakaran aron mas mapadali ug mahuman ang contact tracing ug mapabalik ang dagan sa mga importanteng industriya ug ekonomiya sa dakbayan.
Samtang gipaklaro nga ipatuman ang TAPAT kon Trace and Protect Action Team aron ma-monitor ang mga LSI, ROF ug mga byahidor sulod ug gawas sa Gensan nga nagdala ug mga essential goods . Dili Magamit ang TAPAT ID QR code isip maoy ipakita sa mga entry ug exit sa syudad tungod mao kini ang gigamit nga internet application kon apps para ma –trace ang mga suspected cases susama sa mga LSI ug ROF.
Samtang sa hisgutanang CCTS sa South Cotabato matud pa ni Mayor Ronnel Rivera nga wala siyay pagsupak apan angayang ipatuman ang una nang namugna nga QR code sa mga EQP kon Electronic Quarantine Pass matag residente kon pamilya isip contact tracing apps . Una kining gipanghatag pinaagi sa LGU una pa man napatuman ang MGCQ kon Modified General Community Quarantine .
(Roniel Degorio, RPN DXDX Gensan)