33.8 C
Manila
Friday, March 29, 2024

“Bomb Threat” Nga Nadawat Nakapa Ukay Sa Mga Opisyal Ug Empleyado Sud Sa Cebu Provincial Capitol Legislative Building

- Advertisement -

Cebu City – Gisusi ug gisiksik sa taga Explosive Ordinance Division (EOD) sa Cebu City Police Office (CPPO) ang upat ka andana sa Cebu Provincial Capitol Legislative Building pasado alas dose sa udto, September 13, 2021.

Kini human maka dawat ug tawag sa wa mailhing caller pinaagi sa mobile phone ug gipahibaw ang staff nga dunay bomba nga gibutang sa maong building.

Basi sa maong tawag, gi ingon nga ang bomba mo buto sud sa 20 minutos.

“Employees at the Cebu Provincial Capitol Legislative Building were asked to leave the facility after a call made through mobile phone telling the staff that a bomb has been planted at the building and will explode in about 20 minutes,” mensahi ni Vice Governor Hilario Junjun Davide sa iyang Facebook page.

Human sa maong tawag sa wa mailhing tawo na ukay ang mga empleyado sa dihang gipagawas kini ug gimandoan nga way si bisan kinsa nga pasudlon gawas lang sa taga EOD/Bomb Disposal Unit.

Ang upat ka andana nga Legislative Building anaa sa loyo sa main Cebu Provincial Capitol Building.

Nahimutang sa maong building ang lain-lain buhatan nga naglakip sa Vice Governor’s Office, Provincial Board Members, Provincial  Agrarian Reform, Department of Interior and Local Government ug uban pa.

Sa miaging buwan, naka dawat sab ug bomb threat sa wa mailhing tawo ang taga Cebu City Hall, nga naka pa ukay sab sa mga opisyal ug mga kawani sa syudad.

(Source: Office of the Provincial Vice- Governor, photo courtesy of Vice-Governor Junjun Davide)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -