Mapasigarbohon nga gipabahilo sa East-Westbound Terminal and Public Market (EWTPM) nga adunay pagsaka sa collection sa Business Permit Renewal 2021 bisan pa man sa giatubang nga pandemiya.
Si EWTPM Officer-in-Charge Jocelyn Peñalosa namayahag nga adunay total income nga P428,750.25 mil ang EWTPM sa upat pa lamang ka adlaw gikan sa pagsugod sa business permit renewal, Pebrero 1-4, 2021.
Ikumpara sa susamang mga adlaw sa tuig 2020 business permit renewal, moabot lamang sa P184,444,28 ang koleksyon.
Nunot niini, gipasalamatan ni Peñalosa ang tanang stallholders sa EWTPM sa kanunay nga pagtuman sa ilang obligasyon ug sa mga palisiya sa syudad ug sa EWTPM diha sa pag-renew sa ilang business permit ug pagbayad sa renta sa mga stalls.
Siya naglaum nga sama sa niaging tuig 100 percent usab nga maka-renew sa ilang business permit ang mga stallholders sa EWTPM. (CIO-CdeO)