Pumapalo na sa 203 ang bilang ng mga Pilipinong may coronavirus disease 2019 (COVID-19) na nasa 26 na bansa at rehiyon.
Ang nasabing bilang, ayon sa Department of Foreign Affairs (DFA) ay hanggang ngayong Huwebes, March 26, ay nasa 93 ang nagpapagamot sa ibat-ibang ospital sa ibang bansa.
Ipinabatid pa ng DFA na 107 ang naka recover sa COVID-19 o nakalabas na ng ospital.
Tatlong Pinoy na rin ang nasawi sa ibang bansa dahil sa COVID-19.
Pinakamaraming naitalang kumpirmadong COVID-19 positive na Pinoy sa Asia Pacific region na may 115 kaso.
Ikalawa ang Europe na may 43 kaso, Middle East na may 23 at America na may 22 kaso.