Pumalo na sa higit 200 preso sa bansa ang nagpositibo sa coronavirus disease 2019 (COVID-19).
Ayon kay Bureau of Jail Management and Penology (BJMP) chief director Allan Iral, nasa kabuuang 233 bilanggo na ang tinamaan ng COVID-19 sa tatlong city jails sa bansa na kinabibilangan ng Cebu City Jail, Mandaue City Jail, at Quezon City Jail.
Dahil dito, tiniyak ni Iral na naka isolate na ang mga Persons Deprived of Liberty (PDLs) maging ang mga BKMP personnels na nagpositibo sa virus, upang maiwasan ang pagkalat ng sakit.
Sa ngayon, nasa 38 personnel ng BJMP na ang nag positibo sa COVID-19.