Bilang ng nasawi sa kaguluhan sa Libya pumalo na sa 187

Pumalo na sa 187 ang nasawi habang nasa mahigit 1,000 naman ang sugatan sa nagpapatuloy na kaguluhan sa Tripoli, Libya.

Ito, ayon kay Tarek Al-Hamshiri, pinuno ng government forces’ field medical centre sa Libya, kung saan sinabi rin nito na inilipat na ang ilang sugatan sa Turkey, Tunisia, Italy at Ukraine upang doon mabigyan ng atensyong medikal.

Kaugnay nito, tiniyak naman ni Khalifa Haftar, commander ng Eastern Libya Based Military na magpapatuloy ang kanilang ikinakasang operasyon laban sa mga rebelde, habang nagpapatuloy ang kaguluhan sa naturang bansa.