Bilang ng mga Pilipinong nabibiktima ng krimen bumaba — SWS

Bumaba ang bilang ng mga Pilipinong nagsasabing naging biktima sila o ang kanilang mga kaanak ng krimen sa loob ng anim na buwan.

Batay ito sa resulta ng survey ng Social Weather Stations (SWS) nitong hunyo kung saan 5.3 percent ng mga respondents nagsabing nabiktima sila o ang kanilang mga kaanak ng common crimes.

Mababa ito ng 1.3 percent sa 6.6 percent na naging resulta ng kaparehong survey noong nakaraang marso at pinakamababa simula noong Hunyo ng 2017.

Isinagawa ang nasabing survey mula Hunyo 27 hanggang 30 sa 1,200 na mga respondents.

Kabilang sa mga binanggit na common crimes sa survey ang pandurukot, pagnanakaw, panloob sa mga tahanan, carnapping at physical violence o pananakit.