Asahan na ang bigtime oil price hike sa susunod na linggo.
Ayon sa ulat, tinatayang nasa 77 sentimos hanggang 91 sentimos ang itataas ng kada litro ng gasolina.
Samantala, nasa P1.34 naman ang dagdag-presyo sa diesel habang P1.09 na umento sa kerosene o gaas.
ito na ang ika-walong sunod na oil price hike o ika-aapat na linggo ng dagdag presyo sa mga produktong petrolyo nitong Setyembre.
Ang nagbabadyang oil price hike ay bunsod umano ng pagmahal ng langis sa pandaigdigang merkado.