Iriga City – Tanganing macierto na mayo nin nag-uusar asin nagpapabakal nin illegal na druga sa gabos na empliyados kan munisipyo nin Baao, CamSur kaya ginibo an surprise drug test kasu-odma.
Iyo ini an halipot na paliwanag ni Mayor Jeff Besinio kan Baao, matapos na kuanan nin urine sample an gabos na empliyados magin regular, contractual asin job order tanganing isa-irarom nin laboratory examination.
Sigun sa alcalde may mga report kaya sa saiya na may konektado sa Munisipyo na nag-uusar nin druga na haloy na soboot ining gawi arog kan mga report na nakaka-abot sa mga awtoridad.
Boot kan alcalde na magin drug free an mismong munisipyo kan Baao asin habu niya na may empliyado na nag-gagamit nin illegal na druga.
Dai pa nin pinapaluwas na resulta sa nasabing eksaminasyon, mientras na siniguro kan alcalde na magiging fair asin tataw’anan nin due process an siisay man na empliyados na mapositibo sa nasabing drug test.
Magiogiorumduman kan nagtalikod na taon, sarong empliyado an naaristar kun sain kabali sa mga nadakop mientras na nagkakaigua nin pot session. (Melvin F. Barayoga, RPN DZKI Iriga OIC)
(Source: LGU Baao, Camarines Sur)