28.8 C
Manila
Wednesday, April 24, 2024

Big Three Projects Ti Probinsia, Manamnama A Malpas Iti Naituding A Tiempo

- Advertisement -

Manamnama a makumpleto iti naituding a tiempo dagiti big three projects wenno tallo a dadakkel a proyekto ti probinsia nga inrubwat ni Ilocos Norte Gob. Matthew Marcos Manotoc iti babaen ti administration na.

Maibilang ditoy iti extension building ti provincial capitol, dap ayan center ken iti pannakapabaro ti Ferdinand E. Marcos Memorial Stadium.

Segun ken ni Asst. Provincial Engineer Lanie Daquiaoag  iti Provincial Engineering office, maibasar daytoy iti panangipasigurado kadakuada dagiti naiyawatan na a contractors kadagiti big three ti probinsia.

Inadmitir ni Engr. Daquioag a nataktak bassit iti pannakairugi na kalpasan a naaddaan ti sumagmamano a pannakabalbaliw iti plano wenno disenyo para ti pagpinpintasan dagiti proyekto.

Dinakamat na pay a naibayag dagiti proyekto gapu iti covid-19 pandemic ken pannakaideliver agiti equipment, materials ken trabahador dagiti contractors nga aggapu pay idiay Manila ken Pampanga.

Malaksid iti daytoy kuna ni Engr. Daquioag a mairaprapin pay iti pannakairelocate  dagiti utilities ti probinsia kas iti linya ti koryente danum kumunikasion ken pannakaputol dagiti madalapus a kayo iti maaramid nga extension building.

Nupay kasta, impasingked na a nasurot met laeng ti naaramid a “program of works” nga inaprobaran ni Gob. Marcs Manotoc sakbay a nairugi ti proyekto a ti ground floor ti maaramid nga extension building ti capitol ket adda iti basement nga aguneg iti four a metro nga agbalin to a parking area dagiti empleaso iti probinsai.

Iti agdama, addan iti agarup 10% ti nalpas iti extension building ti capitol ken impanamnama ti contractor nga iti daytoy a bulan ti October, maigaeddan ti agtrabaho kalpasan a nasulbar dagiti sumagmamano a problema tapno maikamakam iti naituding a “time frame” kas immunan a tarigagay ni Ilocos Norte Gov. Matthew Marcos Manotoc a malpas iti babaen ti Adminitrasionna. (Ronald Domingo, RPN DZRL Batac)

 

(Source: Communications & Media Office | Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -