Cagayan de Oro – Gitudlo ni Congressman Bernadette Herera sa Bagong Henerasyon Partylist ang procurement law isip maoy hiungdan sa langan nga pagpatuman sa mga balaodnon nga may kalabutan sa panglawas.
Kini ang iyang tubag sa pangutana kung unsa ang ilang nakitang problema ug rason kung nganong bisan sa daghang programa sa Gobyerno ug bisan sa Universal Healthcare Act lisud gihapon kini nga mabatian sa publiko.
Matud ni Herera, ang maong problema lisud sangkaon tungod sa mga balaodnon o procurement law nga anaa na karon nga ilang gisulayan sa pag-amenda.
Dugang pa niini nga ang paghangyo sa mga pribadong balay tambalanan nga mudawat sa mga guarantee letter usa usab sa ilang nakitang hinungdan kung nganong dugay mapatuman ug mabatian sa publiko.
Butyag niini nga pagkakaron, ilang gipaningkamotan nga masulbad ang padayong problema sa panglawas sama sa billing ug tambal dungan sa paningkamot sa pangibuhian, edukasyon, ug solong ginikanan.