Gipasalamatan sa Department of the Interior and Local Government (DILG) Region 13-Caraga ang mga maayong pamaagi sa Gigaquit LGU batok na sa Corona Virus Disease (CoViD-19).
Sa komunikasyon nga gipadangat ni Regional Director Lilibeth Famacion, CESO III ngadto kang Municipal Mayor Chandru Bonite pinaagi na kang DILG Provincial Director John Reyl Mosquito, iyang gipasalamatan ang mayor sa pagshare o pagpakigbahin sa mga estratehiya ug solusyon sa paglikay, pagpugong ug pagpahiangay ngadto sa giingong “new normal.”
Giingnan usab niini nga ipadayon ang paninguha alang sa lig-on ug maluluy-on nga pagpangulo ning panahon sa krisis.
Sa nasayran, ang maong dokumentasyon sa mga best practices pagbatok sa CoViD-19 tubag sa Memorandum gikan ni Secretary Eduardo Año pinitsahan Abril 18, 2020.
Sa impormasyon nga nahipos gikan kang Mrs. Welivie Diola, ang MLGOO sa Gigaquit, Surigao del Norte, nga gawas sa LGU Gigaquit, gidawat usab sa LGUs Sison, Tubod ug San Benito ang samang komunikasyon ug pagpasalamat. (Jun Prex Salubre, Ronda 6 RPN DXKS)
? MLGOO Welivie Diola, LGOO VI
Â