Ugdaw sa sunog an isa ka bayay nga nahimutang sa may Purok 1, Sitio Kinabutan, Brgy. Rizal, Surigao City nga nagsugod sa alas 6:00 kuman duyom, Disyembre 3, 2020
An maong bayay gipanag-iyahan ni Syntyche Fabroa Erlina, “alias TC”, 58 anyos, menyo, residente sa nahisgutang lugar.
Sumala pa ni Mrs. Erlina nga ang hinungdan sa sunog an nakacharge na rechargeable electric fan suyod sa bayay. Naapil pagkasunog an duha ka laptop, lima ka refrigerator (upat niini an gubaon), flat screen TV sanan lima ka cellular phone.
Gama lamang sa light material an bayay nga miresulta sa dali nga pagkanat nan kayajo. Waya pa masayri kung pila an kantidad sa damages sa sunog. Dugang pa sa pamahayag ni Mrs. Erlina nga gideklarang fire out sa alas 7:30 sa gabie sanan wayay kinabuhi nadangin sa maong insidente.
(Mark James Lisondra, Ronda 21, RPN DXKS Surigao)