Davao Oriental – Giilang Bayani ang 19 anyos nga si Theo Louis Rabat Gayta, anak ni Mati City Vice Mayor Glenda Rabat-Gayta.
Boluntaryong milagda ang mga ginikanan ni Theo sa pagtugot nga i-donate ang iyang mga mata ug kidney alang sa nanginahanglan niini.
Adlaw’ng Lunes, Nobyembre 16, gidala si Theo sa Davao City human kining nakahiagum ug samad pinusilan sa ulo.
Samtang siya gisud sa operating room, miyukbo kaniya ang mga personahe sa ospital isip pag-respeto sa batan-ong bayani.
Pasado sab kini nga mamahimong organ donor tungod sa iyang edad ug himsog nga panglawas.
Usa ka Bachelor of Science in Mechanical Engineering Student si Theo sa Ateneo de Davao University ug sama sa ubang batan-on, hilig sab niya ang social media ug online gaming.
Dalhon sa Mati City ang patay’ng lawas ni Theo karung Domingo, Nobyembre 22, 2020.
(Mati City Information Office | OIC Michael Manguhig, RPN DXKT Davao)
