29.9 C
Manila
Tuesday, April 23, 2024

Batac: Sumagmamano a negosio, manamnama a malukatan iti masungad a tawen 2023

- Advertisement -

Manamnama a rugian dagiti “investors” wenno agpupuunan a nangpasingked iti panangipasdekda ti negosio ditoy probinsia nga iproseso dagiti permit dagitoy para iti panangirubuatda iti negosioda iti nasapa a paset ti tawen 2023.

Inlawlawag ni Ms. Rona Leigh C. Bueno, mangidadaulo ti Invest Office ti gobierno probinsial nga agduduma dagiti negosio a kalikagum a serken dagiti nadakamat a negosiante. Segun kenkuana, dakkel a banag ti pannakisarita ken panangawis a mismo ni Gob. Matthew Marcos Manotoc kadakuada.

Impalgakna a sumagmamano kadagitoy ti interesado a mangipasdek iti processing plant idinto nga adda met dagiti interesado iti renewables, hotel business, agriculture, business process outsourcing ken dadduma pay.

Inbunannagna a malaksid kadagiti nadakamat nga agpupuunan ket adda pay dagiti negosiante a mannarimaan ti panangkitada iti napintas a lugar pakairamanan ti “data” pakaseknan dagiti negosio a kalikagumda nga iyestablisar ditoy probinsia.

Innayon ni Bueno a maibilang ditoy dagiti gangannaet a negosiante kas kadagiti Chinese, Japanese ken Korean. (Ronald Domingo)

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -