Maipabuya dagiti hand-crafted bags, fans, sombrero, tela, muebles, lokal a delicacies, spread ken crops, ken dadduma pay, iti pop-up bazaar a maangay iti Aurora Park iti siudad ti Laoag manipud Okt. 3-6, iti tawen 2023.
Nakipaset ti agarup 28 a Sustainable Livelihood Program Associations (SLPAs) manipud kadagiti probinsia ti Ilocos Norte, Ilocos Sur, La Union ken Pangasinan nga agdama a tultulongan ti Department of Social Welfare and Development (DSWD), panggep ti bazaar nga iyam-ammo ken maitandudo dagiti produkto iti nalawlawa a merkado, kinuna ni Anniely Ferrer, acting assistant regional director para iti operasion ti DSWD Region 1.
Karaman ti bazaar kadagiti tampok ti 4th SLP Congress iti rehion a pagtitiponan dagiti benepisiario ken program implementers tapno mapapigsada ti marketing, network building, collaboration, ken partnership engagement-da kadagiti publiko ken pribado nga institusion. (April Joyce Gonzales, photo credits to the owner)